Dragana Vukeshinoviq, nëna e serbit të rrëmbyer nga forcat e Serbisë brenda territorit të Kosovës, Millan Vukashinoviq, ka shprehur shqetësimin që ka për djalin e tij të cilin nuk e ka parë as nuk ka folur me të tash e 13 ditë.

Dragana tha se i kanë thënë që i biri i saj po trajtohet në Spitalin e Nishit, shkruan Arbresh.info.

“Na kanë treguar se ka një plumb në shtyllën kurrizore, një veshkë dhe qeskën e zemrës ia kanë mënjanuar. Na kanë treguar se ka nevojë edhe për një operacion tjetër në nyjën e zogut të këmbës. Nuk po u besojmë informatave të tyre”, tha ajo për ATV.

Dragana tha se është ankuar tek EULEX-i, të cilët i kanë premtuar se do të bisedojnë me KFOR-in për ta kthyer Vukashinoviqin për trajtim në Kosovë.

Ndër të tjera ajo paralajmëroi se nëse deri të hënën nuk merr përgjigje, do të hyjë në grevë urie.

Sipas Draganës, djali i saj është sulmuar sepse e kishte thënë haptazi që është kundër Listës Serbe.

Vukashinoviq raportohet se është plagosur dhe rrëmbyer nga forcat serbe më 1 nëntor në Leposaviq.

LEXO EDHE:

Rasti Vukashinoviq mbetet mister – avokati Niniq: Mafia e ka prangosur shtetin, prokuroria po hesht

Kallëzim penal ndaj Radojçiqit e Ushtrisë Serbe për plagosje e rrëmbim